ಕಾಪು : ನಿರಂತರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಇಂದು ಸಾಯಂಕಾಲ ಸುಮಾರು 4 ಗಂಟೆಗೆ ಕಾಪು ಪುರಸಭಾ ವ್ಯಾಪ್ತಿಯ ವಾರ್ಡ್ 10 ರ ಹೊಸ ಮಾರಿಗುಡಿ ದೇವಸ್ಥಾನದ ಹತ್ತಿರ ಕಾಪು ಬೀಚ್ ಗೆ ಹೋಗುವ ರಸ್ತೆಯ ಪಕ್ಕದಲ್ಲಿದ ಬೃಹತ್ ಮರ ಒಂದು ರಸ್ತೆಗೆ ಬಿದ್ದು ವಾಹನ ಸಂಚಾರಕ್ಕೆ ಅಡಚಣೆಯಾಗಿದೆ.

ಇದಲ್ಲದೆ ಎರಡು ವಿದ್ಯುತ್ ಕಂಬಗಳು ಧರೆಗೆ ಉರುಳಿದ್ದು ಮೆಸ್ಕಾಂಗೆ ಸಾವಿರಾರು ರೂಪಾಯಿಗಳು ನಷ್ಟ ಉಂಟಾಗಿದೆ.

ಈ ಸಂದರ್ಭದಲ್ಲಿ ಮರ ತೆರವು ಮಾಡುವಲ್ಲಿ ಕಾಪು ಪುರಸಭಾ ಅಧ್ಯಕ್ಷರು ಅನಿಲ್ ಕುಮಾರ್ ರವರು ಅರಣ್ಯ ಇಲಾಖೆಗೆ ಮತ್ತು ಮೆಸ್ಕಾಂ ವಿಭಾಗಕ್ಕೆ ವಿಷಯ ತಿಳಿಸಿ ಇದರ ಮುತುವರ್ಜಿ ವಹಿಸಿದರು.

ಇವರೊಂದಿಗೆ ಸ್ಥಳೀಯ ಶ್ರೀ ದೇವಿ ಕ್ರಿಕೆಟ್ ಕ್ಲಬ್ ನ ಸದಸ್ಯರು ಮರ ತೆರವು ಮಾಡುವಲ್ಲಿ ಸಹಕರಿಸಿದರು.