ಕಾಪು : ಬೆಳಕು ಫ್ರೆಂಡ್ಸ್ ‌ತಿರ್ಲಪಲ್ಕೆ ಹಾಗೂ ಸಮಾಜ ಸೇವಕರಾದ ನಟೇಶ್ ತಿರ್ಲಪಲ್ಕೆ ಇವರ ನೇತೃತ್ವದಲ್ಲಿ ಸಮಾಜ ಸೇವೆಯ ಉದ್ದೇಶದಿಂದ ಕೃಷ್ಣ ಜನ್ಮಾಷ್ಟಮಿ ಮತ್ತು ಗಣೇಶ ಚತುರ್ಥಿಯ ಸಮಯ ವಿಶೇಷ ವೇಷ ಧರಿಸಿ ರೂ. 1,81,322 ಸಂಗ್ರಹಿಸಿ ಎರಡು ಕುಟುಂಬಗಳಿಗೆ ಹಸ್ತಾಂತರಿಸಲಾಯಿತು.

ಮಟ್ಟಾರು ನಿವಾಸಿಗಳಾದ ಸುಮತಿ ಮತ್ತು ಪ್ರಕಾಶ್ ದಂಪತಿಗಳ ಮಕ್ಕಳಾದ ಪ್ರತಿಜ್ಞಾ (15) ಮತ್ತು ವೇದಾನಂದ (20) ಇವರು ವಿಕಲಚೇತನ ಮಕ್ಕಳಾಗಿದ್ದು ಇವರ ಆರ್ಥಿಕ ಪರಿಸ್ಥಿತಿ ಹದಗೆಟ್ಟಿದೆ ಮತ್ತು ಮೂಡುಬೆಳ್ಳೆ ನಿವಾಸಿಯಾದ ಸುರೇಶ್‌ ಪೂಜಾರಿ ರಿಕ್ಷಾ ಚಾಲಕರಾಗಿದ್ದು ಭೀಕರ ರಿಕ್ಷಾ ಅಪಘಾತದಲ್ಲಿ ಗಂಭೀರ ಗಾಯಗೊಂಡಿದ್ದು ಎರಡು ಕೈಕಾಲುಗಳಿಗೂ ಪೆಟ್ಟಾಗಿದ್ದೂ ಇವರು ಹಾಸಿಗೆ ಹಿಡಿಯುವ೦ತಾಗಿದೆ. ಸಂಗ್ರಹವಾದ ರೂ. 1,81,322 ರಲ್ಲಿ ಎರಡು ಕುಂಟುಬಗಳಿಗೆ ತಲಾ ₹90,661 ಗಳನ್ನು ಸರಿಸಮಾನವಾಗಿ ಹಸ್ತಾಂತರಿಸಲಾಯಿತು.