ಪಡುಬಿದ್ರಿ : ಎರಡು ವರ್ಷಗಳಿಗೊಮ್ಮೆ ಜರಗುವ ಪಡುಬಿದ್ರಿಯ ಶ್ರೀ ಖಡ್ಗೇಶ್ವರೀ ಬ್ರಹ್ಮಸ್ಥಾನದಲ್ಲಿ ಈ ಬಾರಿ ದಾಖಲೆಯ 44 ಢಕ್ಕೆಬಲಿ ಸೇವೆಗಳು ನೆರವೇರಲಿದೆ.

ಜ. 15ರಂದು ಮಂಡಲ ಹಾಕುವ ಢಕ್ಕೆಬಲಿ ಸೇವೆಯೊಂದಿಗೆ ಆರಂಭಗೊಳ್ಳಲಿದೆ. ಮಾ. 12ರಂದು ಮಂಡಲ ವಿಸರ್ಜನೆಯ ಢಕ್ಕೆಬಲಿ ಸೇವೆಯೊಂದಿಗೆ ಈ ಬಾರಿಯ ಸೇವೆಗಳು ಸಂಪನ್ನಗೊಳ್ಳಲಿವೆ.

ಇದರಲ್ಲಿ ಜ. 26ರಂದು ನಡೆಯಲಿರುವ ನಾಗಮಂಡಲ ಸೇವೆ, ಜ. 19ರಂದು ಹೆಜಮಾಡಿಯ ಬ್ರಹ್ಮಸ್ಥಾನ ಹಾಗೂ ಜ. 21 ರಂದು ಪಡುಬಿದ್ರಿಯ ಮುರುಡಿ ಬ್ರಹ್ಮಸ್ಥಾನದಲ್ಲಿ ಜರಗುವ ಢಕ್ಕೆಬಲಿ ಸೇವೆಗಳೂ ಸೇರಿರುವುದಾಗಿ ಟ್ರಸ್ಟ್ನ ಪ್ರಧಾನ ಕಾರ್ಯದರ್ಶಿ ವೈ. ಎನ್. ರಾಮಚಂದ್ರ ರಾವ್ ತಿಳಿಸಿದ್ದಾರೆ.