ಕಾಪು : ತಾಲೂಕಿನ ಬೆಳಪು ಗ್ರಾಮ ಪಂಚಾಯತ್ ಮೈದಾನದಲ್ಲಿ ಎರಡು ದಿನದ ನಾಯ್ಕ್ ಟ್ರೋಫಿ - 2025 ಬೆಳಪು ಫ್ರೆಂಡ್ಸ್ ವತಿಯಿಂದ ಆಯೋಜನೆಗೊಂಡಿದ್ದು ಇದರ ಉದ್ಘಾಟನೆ ಶನಿವಾರ ನಡೆಯಿತು. ಈ ಸಂದರ್ಭ ಎಲ್ಲೂರು ಶ್ರೀ ವಿಶ್ವೇಶ್ವರ ದೇವಸ್ಥಾನದ ವ್ಯವಸ್ಥಾಪನ ಸಮಿತಿಯ ಅಧ್ಯಕ್ಷರಾದ ಅರುಣಾಕರ ಡಿ ಶೆಟ್ಟಿ ಕಳತ್ತೂರು, ಕಾಂತನಾಧಿಕಾರಿ ಧೂಮಾವತಿ ದೈವಸ್ಥಾನ ಪೈಯ್ಯಾರು ಇದರ ಆಡಳಿತ ಮೊಕ್ತೇಸರರಾದ ಗೋಪಾಲ ನಾಯ್ಕ್ ಪೈಯಾರು, ಮಾಸ್ತಿಯಮ್ಮ ದೇವಸ್ಥಾನ ಪೈಯಾರು ಇದರ ಪ್ರಧಾನ ಅರ್ಚಕರಾದ ಮಾಧವ ನಾಯ್ಕ್, ಕಾಪು ತಾಲೂಕು ನಾಯ್ಕ್ ಸಂಘದ ಹಿರಿಯರಾದ ನಾರಾಯಣ ನಾಯ್ಕ್ ಪೈಯ್ಯಾರು, ಮುಸ್ತಾಕ್ ಸಾಹೇಬ್, ಸ್ಥಳೀಯ ಸ್ಪೋರ್ಟ್ ಕ್ಲಬ್ ಅಧ್ಯಕ್ಷರಾದ ಶಹನವಾಜ್ ಮತ್ತಿತರರು ಉಪಸ್ಥಿತರಿದ್ದರು.